=''/>

30, జులై 2010, శుక్రవారం

మా ఇంట్లో ఈ రోజు ఇద్దరి పుట్టినరోజు .


ఈ రోజు మా" సాయి" (మా అబ్బాయి )తొమ్మిది సంవత్సరాలు పూర్తిచేసుకుని"పదో సంవత్సర ము "లోకి అడుగుపెడుతున్నాడు .

పిల్లలు ఎంత తొందరగా ఎదిగి పోతారో .అప్పుడే వాడికి పదేళ్లు వచ్చేసాయా అన్పిస్తుంది.

వాడి అల్లరి చేష్టలు,చిలిపి పనులు ,చిన్నప్పటి సంఘటనలు ముద్దు ముద్దు కబుర్లు ,అక్క తో వాడి పోట్లాటలు చాలా గుర్తున్నాయి కానీ ,

ఇంకా చాలా తీపి జ్ఞాపకాలను కాలగమనం లో మర్చిపోయి ఉంటాను . పిల్లల చిన్నప్పటి విషయాలు ఎప్పటికప్పుడు డైరి లోరాసి వుండవలిసింది అనిపిస్తుంటుంది అప్పుడప్పుడు ..

సాయి చిన్నప్పుడు (ఎల్.కే. జీ.లో ఉండగా )అందరమూ డాక్టర్లు గురించి మాట్లాడుకుంటుంటే వాడు నేను డాక్టర్ నై మన ఉళ్ళో హాస్పటల్
కట్టి తాతగారు వాళ్లందరినీ బాగా చూస్తాను అన్నాడు. మా నాన్న గారు,మావయ్యగారు వాళ్ళు సంబరపడిపోయారు వాడి మాటలకి.
ఎందుకంటే మాది పల్లెటురుకదా డాక్టర్లు అందుబాటులో ఉండరు ,వచ్చిన రోగం ఎంతచిన్నదైనా పట్నానికి పోవలసిందే . .

అలాగే తనకి పాటలంటే బాగా ఇష్టం .బాగా వింటాడు .ఇప్పటి పాటలే కాదు ,ఇళయరాజా వి ,ఇంకాపాతవి కుడా ఇష్టం. అప్పుడప్పుడూనేను పెద్దైయ్యాక మ్యూజిక్ డైరెక్టర్ అవుతాను అంటుంటాడు.అలా అంటే మేము సరదాగా "డాక్టర్ సాయి మ్యూజిక్ డైరెక్టర్ "అని పిలుస్తుంటాము.

తను ఈ పుట్టినరోజు కోసం ఇంచు మించు కొత్త కేలండర్ కొన్నప్పటి నుండి అంటే జనవరి నుండి ఎదురు చూస్తున్నాడు (ప్రతీ సంవత్సరమూ అంతే అనుకోండి)
.ప్రతీ నెలా ౩౦ తారీకు వస్తే వచ్చేస్తుంది జూలై నెల అనేవాడు. ,జులై నెల వచ్చేక కౌంట్ డౌన్ మొదలు పెట్టాడు.

ఇదిగో తను ఇంతో ఎదురు చూసిన "జులై ౩౦ " వచ్చేసిందిగా .

"సాయి"నువ్వెంత గానో ఎదురుచూసిన నీ పుట్టినరోజు వచ్చేసింది నాన్న . ఇటువంటి "పుట్టినరోజు "లు జీవితాంతం ఆనందంగా జరుపుకోవాలని
మేమంతా మనసారా ఆశీర్వదిస్తున్నాము .


ఇంతకీ రెండో పుట్టినరోజు ఎవరిదో చెప్పలేదు కదా. ఏ విషయములో నైనా నన్ను ఎంతగానో ప్రోత్సాహించే ది మావారు తనది కుడా ఈ రోజే పుట్టిన రోజు .


సాయి నీకు ,నాన్న కి ఇద్దరికీ
######### ##పుట్టినరోజు శుభాకాంక్షలు"#############

14, జులై 2010, బుధవారం

తొలకరి


మేఘాలను గాలి
జల్లెడ పడుతుంది!
చినుకులు చినుకులుగా...

పల్లెతోట లో మట్టి పుష్పం
పరిమళాలు పంచుతుంది!
తొలకరి జల్లులకు తడిసి.

కొమ్మలు వంచి చెట్టు
ఉగుతుంది!
పక్షిపాటలో లీనమైనట్టు.

ఈ చిరుకవిత ఒక పుస్తకం లో చదివినది .మీ అందరి కోసం .

10, జులై 2010, శనివారం

నా హాస్టల్ జీవితం


నేను ఇంటర్ ,డిగ్రి మొత్తం ఐదేళ్ళు రాజమండ్రిలో ఎస్ .కే .ఆర్ ఉమెన్స్ కాలేజీ లో చదివాను. ఆ ఐదేళ్లు హాస్టల్ లో నే ఉన్నాను. మా అక్కలిద్దరూ అక్కడే చదువుతుండడంతో నన్నూ అక్కడే జేర్చారు.


హాస్టల్ అంటే చక్కగా బోల్డు మందిని ఫ్రెండ్స్ చేసుకొవచ్చు ,హాయిగా మనిష్టమొచ్చినట్టుండొచ్చు..అక్కలుంటారు అనీ రకరకాలుగా ఊహించుకొని మాంచి ఆనందంగా వెళ్ళిపోయాను.వెళ్ళి రెండురోజులుండేటప్పటికి తెలిసింది .హాస్టల్ ఉంటే ఎలాగుంటుందో .......


"హాస్టల్ జీవితం "ఎలాఉంటుందో..అన్దరికీ తెలిసిందే .బోజనానికి క్యు లో వెళ్లడం ,బాత్రూమ్ కోసం వైట్ చేయడం...చెప్పాలంటే ఇంకా చాలా ఉంటాయి కానీ, అవన్నీ ఎందుకులెండి .


పిచ్చి పిచ్చి రూల్స్ ఉండేవి. సంధ్య అని ఒక మాట్రిన్ ఉండేది. ఆవిడ తన అరుపులతో ,బెదిరింపులతోనూ అందరికీ ఇరిటేషన్ తెప్పించేసేది.పాపం తన అరుపులకు అందరూ జడుస్తారనుకునేది .వార్డెన్ గా కాలేజీ లెక్చరర్ ఒకావిడ ఉండేది .ఆవిడ విజిట్ కి రాగానే ఈవిడరిపోర్ట్లు ఇచ్చేసేది . కాసేపు అవిడ క్లాసులుపీకేది .అవిడ అలా వెళ్ళగానే అందరమూ దులుపుకుని వెళ్ళిపొయేవాళ్ళము.


నేను ఎక్కువగా అక్కలతోనూ, వాళ్ళ ఫ్రెండ్స్ తోనూ ఉండడం తో మనమూ తొందరగానే "రూల్ అన్ని ఎలా బ్రేక్ చేయాలో నేర్చేసుకున్నాము" . (ఐనా ఇటువంటివి తొందరగా నేర్చేసుకుంటాము కదా) వాళ్ళెప్పుడైనా ఏదోవంక పెట్టి బయటకెళ్ళినా, సినిమాకెళ్ళినా నేనుకూడా వాళ్ళను
హచ్ కుక్క పిల్లలా ఫాలో అయిపొయేదాన్ని . అలా అలా.. వాళ్ళే నాక్కూడా ఫ్రెండ్స్ ఐపొయారు. .త్రోబాల్ ఆడినా ,షటిల్ అడినా వాళ్ళతోనే అడేదాన్ని. నాకు త్రొబాల్లో ఒక సర్టిఫికెట్ కూడా వచ్చింది .దానిని ఇప్పటికీ బద్రంగా దాచుకున్నాను .


మా హాస్టల్ కి ఆదివారాలు జామకాయలబ్బాయి వచ్చేవాడు అమ్ముకోవడానికి.వాడి వద్దకు"
ఒక రూపాయి" తీసుకుని అందరమూ వెళ్ళేవారము. వాడి చుట్టూ చేరి .. మాటల్లో పెట్టి ,రెండుకొని నాలుగు కొట్టేసేవాళ్ళము. కొట్టేసిన జామ కాయలు తింటే అప్పట్లో అదో తుత్తి.. ఇప్పుడనిపిస్తుంది ..వాడు ఎంత కష్టపడి ఆజామ కాయలు తెచ్చి అమ్మేవాడో ,అలా తన కష్టంతో ఎంతమందిని పొషించేవాడో కదా ....అలా కొట్టేసే వాళ్ళమేంటి అని.


మా హాస్టల్ కి వాచ్ మెన్ గా ఒక తాత ఉండేవాడు .అతనిని మంచి చేసుకుని చాలా మంది బయట లైబ్రేరీనుండి నవలలు తెప్పించేవారు.. అలా తెప్పించిన వాళ్ళదగ్గర తీసుకొని నవలలు చదివేదానిని.ఎక్కువగా ఆర్.సంధ్యాదేవి,యద్దనపూడి నవలలూ తెచ్చే వాడు. అతను ఏవితెస్తే అవి ప్రాప్తమనమాట. ఇలా .. డిగ్రీ ఫైనల్ వరకూ చక్కగా వాళ్ళంతా నాకు జతగా ఉండడంతో ఎంజోయ్ చేస్తూ గడిపే సాననమాట.


నేను డిగ్రీ ఫైనలియర్ కొచ్చే టప్పటికి అక్కలు, వాళ్ళ ఫ్రెండ్స్ (నాకూ వాళ్ళే కదా ఫ్రెండ్స్ ) చదువైపోవడంతో వెళ్ళిపోయారు. నేను వాళ్ళంతా ఉండడం తో మాక్లాస్మేట్స్ తో పెద్దగా ఫ్రెంఢిప్ చేయలేదు. వాళ్ళంతా వెళ్ళిపోవడం తో ఫైనలియర్ డల్ గానే గడిచింది . ఫైనలియర్ కదా,ఫ్రెండ్స్ ఎక్కువగా లేక పోవడంతో కొంచెం ఒళ్ళొంచి చదివి డిగ్రీ పూర్తి చేసేసాను..


మా ఫ్రెండ్స్ లో ఇద్దరు రాజమండ్రిలోనే ఉంటున్నారు.అప్పుడప్పుడూ కలుస్తూంటాము. ఈ మద్యనే ఒక ఫ్రెండ్ వాళ్ళ ఆబ్బాయి పంచి కట్ల ఫంక్షన్ జరిగితే మేము వెళ్ళాము.


ఒకరిద్దరు మిస్సయ్యారుకానీ అంతా వచ్చారు. కాసేపు అలా...అలా...రింగులు తిప్పుకుంటూ ఫ్లాష్ బ్యాక్ లోకి వెళ్ళిపోయాము. ఎలా టైం గడిచిందో కుడా తెలియలేదు.


ఇంతకీ హాస్టల్ నుండి వచ్చేసాక మళ్ళీ ఇప్పటివరకూ అక్కడికి వెళ్ళలేదు. అస్తమానూ రాజమండ్రి వెళుతూనే వుంటాను.ఈసారి ఎలాగైనా వీలు చూసుకుని వెళ్ళి ,అంతాతిరిగి కాసేపు ఆ మదుర ఆజ్జాపకాలన్నింటినీ తలుచుకొని ఆనందించాలి.

7, జులై 2010, బుధవారం

మా తోటలోని పలురకాలమొక్కలు.

తిరిగి నిన్నటి పోస్టేమిటి అని వెళ్ళిపోకండి. నిన్న నాకొచ్చిన వాఖ్యలన్నీ మాయపోయాయని..ఏమి చేలో తెలియక, కామెంట్స్ మాయం:( :( ఐపోయాయన్న ఆత్రుతతో తొలిగించి ఈరోజు మళ్ళీ పోస్ట్ చేసాను. .అన్యదా బావించకండి .నాకు నిన్న కామెంట్స్ రాసిన వారందరికీ దన్యవాదాలు.మీకిష్టమైతే ఈరోజు కూడా మీవాఖ్య రాయండి ఓపికగా.

పునాస వేసి పది సంవత్సరాలవుతుంది. సంవత్సరానికి రెండు కాపులిస్తుంది.కాయలు కాసినప్పుడల్లా కొద్దిగా ఆవకాయ పెడుతూఉంటాము.పప్పులోకి,పులుసులోకి అన్నింటికీ వాడుతూ ఉంటాము.ఇంటిదగ్గర ఉండటముతో మాఇష్టం అనమాట. అన్ని రకాలుగానూ వాడుతూ ఉంటాము. పులిహార, పప్పుకూరలకి(ఏ పప్పుకూరైనా సరే),పులుసులకి,పచ్చళ్ళలోకి, పులుపు కోసం చింతపండు వేయకుండా ఒక మామిడికాయ వేస్తాము. రుచి బాగుంటుంది మీరు కూడా ట్రై చేయండి.


ద్రాక్ష పాదుని కడియం నర్సరీలనుండి మొక్కలు తెచ్చి అమ్ముతూంటారువాళ్లవద్దతీసుకునివేసాము. వేసి మూడేళ్లైంది. బాగా కాస్తుంది కానీ కొంచెం పుల్లగా ఉంటాయి. ఎలాగూ పుల్లగాఉంటున్నాయని,అప్పుడప్పుడూ పప్పుచారు కాస్తూంటాము.

బత్తాయిలు బుట్లో దాగున్నాయి. బత్తాకాయలకు మంచిరంగు వచ్చి,దొమపోటు తగలకుండాఉంటాయని ఇలా బుట్టలు కడతారు.



ఈ జామ మొక్క పెద్ద గా పెరగదు కానీ కాయలు పెద్దగా కాస్తాయి .అందుకే దీన్ని కెజీ జామ అంటారు .గింజలు ఎక్కువగాలేకుండా కాయ తినడానికి రుచిగా ఉంటుంది. .



ఇది అంజూర్ మొక్క. ఈ పళ్ళు రక్తసుద్దకి పని చేస్తాయి .ఈగింజలనే ఎండబెట్టి స్వీట్స్ లో వేస్తారు.చిన్నగా గసగసాలు లా ఉంటాయి.ఐదేళ్లైంది వేసి.పువ్వులు ఉండవు.ఆకుల దగ్గరే కాయలు వచ్చేస్తాయి.



శ్రీ గంధం మొక్క .ఈమొక్కవేసి పదమూడేళ్ళైంది. ఇది పారాసైట్ మొక్క .మొక్కలు గింజపడితే లెగుస్తాయికానీ,అది కొంచెం పెరిగే వరకూ పక్కన ఏదోఒక మొక్క సపోర్టు ఉండాలి .కంది మొక్క కు వేరు బాగుంటుందని కందిగింజలు పక్కనవేస్తారు. . అసలు గంధం వాసనేరాదు. మొక్క ముదిరి పూర్తిగా తయారవుతేనే వస్తుందంటున్నారు.


ఇది దాల్చిన చెక్క మొక్క.దీని ఆకులే పలావాకులు.ఐదేళ్లైంది వేసి.