చిలకమ్మల కబుర్లు .

అబ్బ వీళ్ల జామ చెట్టుకి కాయలు చాలా ఉన్నాయే ... ఈ మధ్య కోతులు రాలేదో యేమిటో.. అనుకొంటూ ఒక చిలుకమ్మ మాజామ చెట్టు మీద వాలిందితొందరగా తినెయ్యాలి.ఎవరైనా వస్తారు .

అబ్బ చాలా రుచిగా ఉంది ఈకాయ.ఎవరైనా చూస్తే కొట్టేస్తారు .అమ్మో ..అవిడ చూసేసింది.అదేమిటి కర్ర తెస్తుందనుకొంటే ,కెమేరా తెచ్చింది . అనుకుంది. ఓయ్ ...తొందరగా నువ్వు కూడా రావే ,ఆవిడ మనకు ఫొటో తీస్తుంది.అనుకొంటూ ఇంకో చిలుకమ్మను కూడా పిలిచింది .

ఎలా ఉన్నామంటావు ఫొటోలో ,అని ఒక చిలుకమ్మ ఇంకొక చిలుకను అడిగింది . మనకేం సూపర్ గా ఉంటాము.ఇంకా వాళ్ళే ఫొటో తీసుకోవడానికి మేకప్పై ,లిప్స్టిక్కులూ గట్రాలూ పూసుకుంటారుఅని ఇంకో చిలుక అంది.

మాజామ చెట్టు మీద రోజూ చిలుకలువాలి జామకాయలన్నీ తినేస్తాయి. వాటిని చూస్తూ సరదాగా అవి ఇలా అనుకొంటే ఎలా ఉంటుంది అని ఊహించి వ్రాసాను. ఎలాఉందో చెప్పండేమరి.